Wantok Nuispepa | Novemba 21-27, 2024 |Pg 9

Wanpela wok painim bilo komuniti edvokesi grup ACT NOW i sowim planti bilong ol Distrik Divelopmen Atoriti (DDA) long Papua Niugini i popaia long putim aut ol kontek infomesen bio ol ples klia. Dispela i pasin gutpela gavaens wok, akauntabiliti, na sevis i go ol ples. 

Maski distrik i kisim K20 millio olgeta yia long servi na infrastraksa impruvmen, stat long Julai 2024 i kam, wok painim i soim olsem planti DDA i no gat nem bilong Sif Ekseketiv Opisa adres, na telefon o mobail namba o websait. Long 96 Distrik Divelopmen Aotoriti long kantri;

• 52 in no gat nem bilo CEO is stap wanpela publik sait. 
• Email adres bilong traipela tasol i ektiv o wok yet
• 8 pela tasol i gat pos opis adres o websait. 

1. Nem bilon CEO i no stap: Wok painim i soim 45 DDA insait long 96 DDA lo kantri in no gat nem bilong Sif Ekseketiv Opisa (CEO). Taim DDA i gat gutpela lidasip straksa, ol gutpla disisen bai kamap gut, na bai gat stretpla wok i kamap long distrik. 

2. No gat planti Email Adres: Tripela DDA tasol i gat ektiv email adres we dispela i pasim komyunikesen long kamap. Email em gutpela long opisal komyunikesen, wokbung, na stretpela wok. Sapos no gat email, em bai hat log toktok wantaim ol stekholda, kisim gutpela toktok long ol bikpela samting i kamap. 

3. Nogat planti Fon Namba: Ol 4-pela DDA tasol i gat ektiv fon namba long opis. Dispela i pasim gutpela komyunikesen wantaim arapela long ol bikpela samting bilong districk. Fon lain em gutpela long toktok harihap tru wantaim narapela, toktok long ol samting i impoten tru, na kamapim gutpela komyunekesen namel long olgeta lain. Taim ol DDA i no gat fon namba, ol lokal manmeri i hat long toktok wantaim ol atoriti lo distrik. 

4. Pos Opis Adres na Websait: 8-pela DDA tasol i gat pos opis adres o websait tasol na dispela em wanpela samting we olgeta i mas tingting tu lo en. Pos opis adres i save lukautim hap bilong putim na salim ol dokumen, na rikwes long helpim. Long narapela hap, websait i ken kamap olsem ples bilong putim ol infomesen na ol toksave bilong wok na ol projek, na dispela iken kamapim transperensi tu long ripot. 

Kontek ditels em gutpela long stretpela wok. Taim in gat nem bilong CEO, i nogat ektive email adres, dispela i save pasim wok bilong ol gavmen institusen na wokbung wantaim sitisen." Cathy Tukne, Infomesen Kodinatea bilong ACT NOW , i tok. Em i toktok strong long putim ol kontek ditels ples klia long gutpela wokbung. 

ACT NOW, i bin putim tupela wok painim, we wanpela i lukluk lo Distrik i popaia long givim akwitel. 

Act NOW i mekim wok painim lo midia ripot long wok bilong distrik i soim: 

• 21 bilong ol 96 distrik i nin tokaut long 5-yia divelopmen plen bilong ol. 7-pela Distrik tasol i putim plen bilong ol lo pablik i ken lukim. 
• 24-pela bilong ol 96 Distrik i givim finensek akwitel bilong ol long yia 2022 na 2023, na no gat wanpela i stap lo pablik i ken lukim. 
• No gat Inspeksen Ripotbilong Dipatmenbilong Implementesenna Rural Divelopmen i stap ples kilia long pablik i lukim. 
• No gat fainensel riport bilong odit i stap ples klialong pablik lukim. 
• Ol 6-pela distik tasol i tokaut long enuel baset bilong ol long pablik. 

ACT NOW i laik tokaut olsem: 

1. Lidasip Wok: Olgeta DDA i mas putim aut nem bilong ol CEO bilong ol, kontek, email na pos opis adres. 

2. Strongim Lidasip Wok: Ombudsman Comission (OC) i mas bihanim ol aninit long lidasip 'code' na holim ol DDA na CEO husait i popaia long givim o putim plen, akwitel, na kontek ditels bilonh ol lo pablik. 

3. Pasin Manu i go long DDA: Dipatmen bilong Fainens i mas pasim DSIP (Distik Sevis Improvmen Program) mani na DIP (Distik Infastraksa Program) mani lo ol distrik i no gat plen o kontek ditels. 

4. Kamapim bikpela Odit: Apim mani i go lo long opis bilong Odita-Jeneral (AGO) long ol i ken mekim odit long olgeta 96 distrik. 

Ol dispela rot bai strongim stretpela wok na ol Distrik bai yusim gut mani bilong ol pipel long gutpela na stretpela rot. 

Lo kisim moa infomesen, go lukim DDA watch websait na luksave lo samting i kamap long distrik bilong yu. 

Yumi wokbung wantaim na bildim Dsitrik we i save strongim komyuniti bilong yumi, na lukluk tasol long ol stretpela rot na wokbung.

Long intaviu, ringim Cathy Tukne long (+675) 78445276 o (+675) 77159179 o salim email long tuknecathz90@gmail.com

Yu gat gutpela helt na edukesen sevis long komyuniti blo yu?

DDA bilong yu i gat K20 milien long displea yia!

Yu laik save long rot ol i yusim displa mani? 

Sekim dispela websait: www.ddawatch.org